Zbardhen arsyet e sherrit ku u përfshi prezantuesja e njohur Luana Vjollca dhe miku i saj 29-vjeçari nga Prishtina, Krenar Çocaj. Ky i fundit është qëlluar me grushte mbrëmjen e djeshme, nga një fans i çmendur i Luanës, i cili mësohet se e përndjek prezantuesen bionde ngado. Kështu ka ndodhur edhe dje rreth orës 19:00 në Unazë të Re, pranë Hotel ”Roland”.
Fansi i çmendur është identifikuar nga policia si Besmir Lila, është 31-vjeç dhe banon në Londër.
Ai e ka ndalur mbrëmë prezantuesen për t’i folur, ndërkohë që ka goditur mikun e saj Krenar Çocajn me grushte, pasi ky i fundit i erdhi në ndihmë Luanës, e cila me siguri është ndjerë e bezdisur nga përndjekja e vazhdueshme.
Policia ka arrestuar 31-vjeçarin, menjëherë pas sherrin, ndërsa gjatë kontrollit fizik, ju gjet dhe bllokua në cilësinë e provës materiale një armë zjarri, e llojit pistoletë, pa numër.
Sakaq, JOQ.al ka publikuar një material, i cili tregon momentin e ndalimit të moderatores Luana Vjollca teksa ishte me makinën e saj në kryeqytet, sipas qytetarit që e dërgon këtë informacion.
Qytetari shkruan: Përshëndete JOQ! Luanën e arrestoi policia, nuk e kuptova arsyen por e pashë që e nxori zvarrë jashtë. Ishte një njeri gjithë gjak brenda makinës së saj, në Range-in që duket në foto. Lëviza pastaj se Policia e kishte rrethuar zonën, por mund të them që ajo nuk kishte bërë aksident, pra çfarë ishte? Ndoshta duhet të pyesim “luanatorët” për këtë”.